Аднародныя і неаднародныя азначэнні

Прыметы аднароднасці	Прыклады
Абазначэнне вызначальных аднатыпных уласцівасцей розных прадметаў, з’яў (напрыклад, колер)	Горад зіхацеў белымі, жоўтымі, чырванаватымі агнямі.
Абазначэнне блізкіх, падобных уласцівасцей (сінанімічнасць дапасаваных азначэнняў; нярэдка кожнае наступнае азначэнне ўзмацняе названую прыкмету)	Шырокі, бяскрайні, неабсяжны прастор адкрыўся перад намі.
Ужыванне ў радзе азначэнняў мастацкіх азначэнняў (эпітэтаў)	Свечкі разлівалі мяккае, спакойнае святло.
Размяшчэнне пасля азначаемага слова	Чуўся цяжкі крок зімы, доўгай, марозлівай.
Знаходжанне ў адным радзе адзіночных азначэнняў і азначэнняў, выражаных прыметнікавым або дзеепрыметнікавым зваротам.	На доўгай, абсаджанай старымі таполямі вуліцы было ціха і бязлюдна.
Знаходжанне ў адным радзе дапасаваных і недапасаваных азначэнняў.	Чысты, з басовымі ноткамі голас нечакана загучаў у цішыні.
Прыметы неаднароднасці	Прыклады
Рознабаковая характарыстыка прадмета,з’явы	Пушыстыя рэдкія сняжынкі садзіліся на твар.
Першае азначэнне характарызуе спалучэнне, утворанае другім азначэннем і азначаемым назоўнікам (нярэдка адно з азначэнняў – якасны прыметнік,а другое – адносны)	Да парка прымыкаў вялікі пладовы сад.